Arestado ang mayoralty candidate sa ginpatigayon nga search warrant operation sang gintingob nga pwersa sang PDEA Cotabato Provincial Office, PDEA BARMM, Midsayap MPS kag 34th IB PA, alas 6:00 kahapon sang aga, Oktubre 21, 2021.
Ginkilala ang suspek kay Tom Lucas Nandang ukon mas kilala sa pangalan nga Datukon Nandang, 33-anyos, residente sang Brgy. Upper Glad 1, Midsayap, Cotabato Province.
Si Nandang ang mayoralty candidate sa Northern Kabuntalan, Maguindanao Province kag ginakabig nga target-listed drug personality.
Nakuha sa operasyon ang 10 ka medium sachets sang suspected shabu nga nasulod sa green chinese tea bag cellophane nga nakalabel nga GUANYINGWANG, may kabug-aton nga more or less 500 grams kag nagakantidad sang P3.4 million.
Narekober man sa suspek ang 45 nga kalibre sang armas luthang.
Kaso naman nga pagbayolar sa Section 11, Article II sang RA 9165 kag RA 10591 ang ipasaka batok sa suspek.
