Davao City – Patay human misukol sa kapulisan ang usa ka alyas Dodot atol sa gilusad nga buy bust operation sa Maa Police Station.
Base sa report, alas-10:46 sa gabii kagahapong adlawa, August 25, 2023, gilusad ang operasyon sa kapulisan sa Purok 3, Sentro, Barangay Langub, Davao City pinaagi sa poseur buyer apan dihang nagpaila na kini nga pulis ang gika-transact sa suspek, kalit kini nagpabuto og armas diin paspas naka-retaliate ang pulis.
Daling gidala sa balay tambalanan si alyas Dodot apan gideklara na kining dead on arrival.
Nakuha sa suspek ang usa ka sachet sa shabu, 10, 000 pesos buy bust money, .38 revolver, mga bala, usa ka red sling bag nga adunay sulod nga dagkong pakete sa shabu. Ang mga nakompiskang droga gibana banaang mukantidad og Php 3,040,000.
Facebook Comments
