P35.00 kada adlaw nga budget sa pagkaon sang mga preso sa South Cotabato Provincial Jail ginapatuman na.

Epektibo subong nga bulan suno kay Warden Juan Lansaderas ginapatuman na ang P35.00 kada adlaw nga budget para sa pagkaon sang mga inmates sang South Cotabato Provincial Jail halin sa P32.00 sang nagligad nga tuig.
Ini ang base sa naaprobahan nga pondo sang Provincial Government subong nga tuig suno kay Warden Lansaderas.
Samtang suno sa iya wala man sang reklamo ang mga inmates sa panibag-o nga budget sa ila nga pagkaon tungod wala man gani sila nag-angal sadto anay nga P32.00 lang kag sa subong ginpataasan na gani.
Nagapati man si Warden Lansaderas nga bastante na ang P35.00 nga budget kada adlaw para sa pagkaon sang mga inmates.