Posible nga indi matapos ang tuig i-imposar suno pa sang Provincial Veterinary Office sang South Cotabato ang pagsukot sang P50.00 sa ginapatigayon nga rabies vaccination base sa nabalhag sa amended revenue code.
Suno kay Provincial Veterinarian Dra. Flora Bigot ini tungod gamay na lang ang bilin sang ginhatag nga alokasyon sang Bureau of Animal Industry subong nga tuig nga rabies vaccine sa mga ido.
Apang sa subong libre pa ang ginapatigayon nila nga rabies vaccination sa banwa sang Polomolok.
May-angot, sini lauman nga sa masunod nga tuig suno pa magapanukot na gid sila sa mga magpabakuna sang ila nga ido tungod magamay ang pondo sang Bureau of Animal Industry para sa rabies vaccine.
Sa subong suno kay Dra. Bigot pito pa lang ka mga banwa sa probinsya ang napatigayunan nila sang rabies vaccination sa mga ido kag sa tion nga kulangon gid ang vaccine magabakal ang provincial government agud nga matapos ang ila nga pagbakuna.
Hungyuon man nila sa mga banwa sa masunod suno pa nga tuig nga maghatag man sang counterpart sa ginapatigayon nga rabies vaccination.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
