P50, 000.00 reward sa duha ka nakapalagyo nga mga preso sang South Cotabato Provincial Jail.

Magahatag si South Cotabato Governor Daisy Avance Fuentes sang P50, 000.00 nga reward sa kada ulo sang duha ka mga preso sang Provincial Jail nga nakapalagyo sa tion nga madakpan ang mga ini kag ginatugyan na niya sa warden ang desisyon sa ginapatuman nga paglagas sa mga ini.
Samtang imbes nga duha ka adlaw, isa ka semana ang ginhatag niya suno sa gobernadora sa pamunuan sang Provincial Jail sang nagmeeting sila sang warden nga tutukan anay ang recovery sang duha ka mga inmates nga nakapalagyo bag-o umpisahan ang fact finding investigation.
Nagapati man si Governor Fuentes nga nakatulog gid ang mga nakaduty nga jailguard sa amo nga panahon sang nalayasan sila sang duha ka mga preso kag indi sa rason nga wala lang namonitor sa cctv camera tungod indi klaro ang kuha.