Tricycle driver sa syudad sang Koronadal ginhold-up.

Ginhold-up ang isa ka tricycle driver sang wala makilal-an nga persona pasado alas 2:00 sang kaagahon sang Enero 17, 2017 sa bahin sang Prk. Hillside, Bgy. Sta. Cruz, Koronadal City.
Ginilala ang biktima kay Joel Dayo Francisco, 24-anyos kag residente sang Urban Poor, Barangay San Isidro, Koronadal City.
Base sa pahayag sang tricycle driver halin suno pa siya sa isa ka birthday party kag pag-abot sini sa roundball area sang syudad, isa ka babaye ang nagpara kag nagpadul-ong sa Brgy. Sta. Cruz.
Apang pag-abot sa Prk. Hillside naghambal ini nga nahulog ang iya nga tsinelas amo nga nagpondo man ang tricycle driver kag ginpakuha sa pasahero ang tsinelas.
Apang pipila ka minutos may-yara sang isa ka tricycle ang nagpondo sa biktima kag ginlampusan ini sang matig-a nga butang nga rason nga nalipongan ini.
Nakuha naman sa biktima ang kwarta sini nga nagakantidad sang P14, 000.00, 1 ka unit sang Samsung J5 kag 2 ka kulintas pati na ang driver’s license sang biktima.
Gilayon naman nga nagpalagyo ang wala nakilal-an nga mga suspetsado.
Sa subong nagapadayon ang imbestigasyon sang Koronadal City Pnp sa insidente.