Gisiguro sa Provincial Government of Bukidnon nga ang ₱644,195,352.00 nga gigahin sa Local Development Fund (LDF) 2021 nga magasto nga makahuluganon ug angayan ngadto sa mga infrastructure projects nga gi-proposed sa 22 ka mga mayores sa Bukidnon.
Lakip nga gigahinan sa pundo sa LDF ang gisugyot sa mga mayor nga naglangkob sa construction of commercial buildings, construction of gymnasium, construction of new public market ug terminal, construction of commercial arcade, improvement ug rehabilitation sa mga pasilidad, construction of municipal cemetery, municipal food court, provincial ug municipal roads, concreting of road networks, drainage system, multi-purpose building, rehabilitation of box culvert approach and slope protection, installation og primary and secondary powerline, construction of waste water treatment, construction of water supply project, canal concreting, procurement of drilling machine ug daghan pang uban.
Dugang usab ni Gov. Zubiri nga karong tuiga ubay-ubay nga mga proyekto ang nakompleto lakip na ang gatusan nga socialized and low costs houses, concrete classrooms, 208.03 kilometers nga concrete roads ugdaghan pang uban.
Adunay pa’y ubang mga proyekto nga magpadayon sa sunod tuig ug gilauman nga mahuman ang 3 ka mga Provincial Commercial Complexes nga mokabat ngadto sa ₱101,000,000.00, ₱95,000,000.00, ug ₱24,000,000.00 diin ang main phases sa Bukidnon’s state of the art Sports Complex nga mokabat ngadto sa ₱250,000,000.00 gilauman nga makumpleto sa dili pa mahuman ang tuig 2021.
