Gibana-banang mukantidad og P6,800 ug mitimbang og usa ka gramo ang nakompiskang drogang Shabu atol sa gipahigayong Drug Buy-Bust Operation sa mga kapulisan samtang nasikop ang Wanted nga suspetsado sa pagpayuhot niini takna ala una sa hapon kagahapong adlawa didto sa Purok-5B, Brgy. Aglayan, Malaybalay City, Bukidnon.
Gipangunahan sa Malaybalay City Drug Enforcement Unit (CDEU) ang maong entrapment operation diin miresulta sa pagkasikop ni Jomar Enoc y Timario, kanhi nadakpan sa pagpayuhot sa illigal nga droga ug kasamtangang naka-avail sa Plea Bargaining Agreement (PBA), 34, ulitawo ug mulopyo sa naasoy nga dapit.
Dugang usab nga narekober ang usa ka unit sa Motorstar Motorcycle ug usa ka P500 bill.
Sa pagkakaron, gidala na sa Malaybalay City Police Station ang suspetsado lakip ang mga nakompiskang ebidensiya ug layong ipagaturn-over sa PNP Provincial Crime Laboratory office alang sa dugang eksiminasyon.
