SAN CARLOS CITY, NEGROS OCCIDENTAL – Ginabulubanta nagdangat sa kapin P7.7 million pesos ang balor sang suspected shabu nga nakuha sa duha ka mga suspek sa ginpatigayon nga buy bust operation kahapon sang kaagahon sa San Carlos City.
Nakilala ang mga suspek nga sanday Hanjie Alquiza, 37 anyos, residente sang Sitio Mahayahay, Brgy. Punao, San Carlos City kag Roden Zaraga, 41 anyos kag ginakabig street level drug target.
Sa operasyon nga ginpatigayon sang San Carlos City Police Office natigayon nga makuha sa possession sang duha ang walo ka sachet sang suspected shabu, nagabug-at sang 640 grams kag may market value nga P7.7 million pesos.
Suno sa hepe sang San Carlos CPS, P/Supt. D’Artagnan Katalbas, Jr. nga isa ka high value drug target si Alquiza nga napriso na sadtong 2016 kag sang September 2018 lang naka-gwa sa prisohan.
Sang naka-gwa sa bilangguan, gilayon nga nagbalik sa pagduso sang illegal nga druga ang amo nga suspek./dyHB BACOLOD
