Kabug-usan nga 8.4 milyones pesos nga balor sang proyekto ang ginbaton sang 28 ka mga barangay sa probinsiya.
Isa ka programa ang ginhiwat sa Provincial Capitol kahapon sa pagpanguna ni Governor Bong Lacson para sa pagpanagtag sang cheke nga tag-300,000 pesos kada barangay.
Lakip sa mga proyekto nga pagakadtuan sang amo nga pundo ang pag-improbar sang water system, pagpakay-o sang evacuation center, pag-instolar sang street lights kag iban pa.
Suno kay Governor Lacson, ang tagsa ka benepisyaryo nga barangay ang mahimo mag-request sang isa ka proyekto kada tuig apang kinahanglan nga husto ang pagpatuman kag subong man ang pag-liquidate sang pundo.
Facebook Comments
