Maga pulis del Central Police Station ya encabesa si Supt. Edilberto Alvarez ya confisca shabu balor de P800,000 desde con dos persona durante el buy-bust operation ya conduci na Caburihan, Canelar del Martes serca man alas 6 del noche.
Con el dos suspechao ya conose como canda Ismael Jikiri y Hanapiya, 37, casao y si Omar Jikiri y Milan, 22, soltero ambos de Lungan-Gitung, Parang, Jolo, Sulu.
Maga pulis ya recobri desde canila el diutay paquete de shabu amo el buy-bust item, P500 marked y el 3 grande paquete de shabu.
Asegun con el pulis ta alcansa el balor de P800,000 el maga confiscao shabu.
Con el maga suspechao ya detene mientras con el maga shabu ya entrega na Crime Laboratory.
Maga pulis ta prepara ya elpropiyo caso que ay planta contra con el dos suspechao.
