Davao City – Ginatutukan karon sa Committee on Health sa lokal nga panggamhanan ang mga health centers partikular ang mga paanakan dinhi sa syudad sa Davao.
Gipasabot ni 3rd district City Councilor Joselle Villafuerte atol sa gipahigayong Pulong Pulong ni Pulong nga kini ang usa sa rason nganong wala nasakmit sa syudad ang Seal of Good Governance sa tuig 2018.
Saysay ni Villafuerte, migula sa Local Health Board Meeting nahitabo niadtong Pebrero 15 nga ubay-ubay ka mga health centers matag distrito sa syudad ang walay akreditasyon sa PhilHealth ingon man license to operate.
Gitataw sa doktor nga sagad sa mga rason mao ang wala pa natapos nga mga paanakan sama sa kakulangon sa septic vaults kun asa ibutang ang mga placenta.
Rason niini nagmugna og PhilHealth Task Force ang board tumong nga ma-accredit partikular ang 17 ka mga district health centers sa syudad.
Gani tabangan sa maong komitiba ang City Health Office aron ma-comply ang mga kinahanglanon karong tuiga.
RadyoMaN Jason Amisola
