Padayong pagtahan sa mga kanhi rebelde, resulta sa pag implementar sa E-CLIP sigun sa DILG Bukidnon

Nagpadayon pa ang pagtaas sa ihap sa mga mitahan na nga mga kanhi miyembro sa rebeldeng grupo sa New People’s Army (NPA) sa probinsya sa Bukidnon.

Kini human nga nagpadayon usab ang hugot nga pag-implementar sa probinsya sa Enhanced Comprehensive Local Integration Program (E-CLIP) nga usa ka programa sa gobyerno nga nagtumong sa pagtabang sa mga kanhi rebelde sa ilang pagbalik sa sabakan sa gobyerno.

Kini ang gibutyag ni DILG Bukidnon OIC-Provincial Director Ma. Corazon M. Cimacio dungan sa iyang pagpasalamat sa 11 ka mga kanhing rebelde kinsa nga bag-ohay lang nga boluntaryong misurender diha sa 1st Special Forces Battalion (1SFBn) ubos sa 403rd Infantry Brigade (IB) sa lungsod sa Manolo Fortich Bukidnon, diin muabot sa pito (7) ka mga armas ang giturn-over sa maong grupo dungan sa ilang pagtahan.

Dugang ni Cimacio nga lauman sa mga mitahan nga grupo sa NPA ang daghanang tabang nga programa sa gobyerno sama sa Immediate Assistance, Livelihood Assistance, Reintegration Assistance, ug Firearms Remuneration.