Pagtaod sa traffic lights, kinahanglan na sumala sa TMC-Malaybalay City

23
Gikinahanglan na sumala pa sa Traffic Management Center (TMC)-Malaybalay City ang pagtaod sa mga traffic lights sa dakbayan.

Sa interview sa RMN Malaybalay ngadto kang TMC-Malaybalay City Incharge, Ernie “Boy” Neri, gibutyag niya nga panahon na aron nga mataoran og traffic lights ang dakbayan aron nga mas makakat-on ang katawhan sa pagsunod sa balaod trapiko ug maminusan ang disgrasya.

Dugang niya nga mihangyo na sila sa pipila ka mga opisyales nga iprioridad ang maong balaod ilabi na sa musuloray nga mga konsehales sa dakbayan.

Nanaod na usab sila sa mga signage ngadto sa kadalanan aron dugang panghimangnu sa katawhan.

Gibutyag usab ni Neri nga sugod Enero hangtud Mayo ning tuiga lang, nakatala na sila og 473 ka mga aksidente sa kadalanan.

Ubos kung itandi sa susamang mga bulan sa miaging tuig nga nakatala og 502 ka mga aksidente.



Kasagaran sumala pa niya nga nalambigit sa maong mga disgrasya ang mga single motor, motorela, SUVs, mga truck ug uban pa.

Facebook Comments