Dumingag, Zamboanga del Sur – Bisan sa nagpadayon nga operasyon sa kasundaluhan batok sa New People’s Armay (NPA) didto sa Barangay Saad sakop sa lungsod sa Dumingag ning probinsya sa Zambaonga del Sur hingpit gihapon nga giablihan ang klase sa Saad Elementary School.
Naglaom si Beatriz Legados ang Dumingag district education supervisor nga moabot sa 300 ka estudyante ang motungha niining tuiga taliwala sa operasyon.
Nasayran nga mokapin sa 200 ka indibidwal ang nanghiklin ug nagpabilin sa Barangay hall gumikan sa sub-sub nga military operations batok sa rebelding NPA.
Nibati usab og kabalaka sa ilang seguridad ang mga magtutudlo sa nga nadestino sa lugar.
Gidugang ni Legados nga gibana-banang anaa sa 50 ka estudyante nga sakop sa pamilyang namakwit naa pa karon sa Barangay hall.
Gibutyag usab ni Lt. Col. Marlowe Patria ang commander sa 53rd Infantry Battalion nga magpadayon ang ilang gilusad nga operasyon hinon gipaniguro usab sa kasundaluhan nga malikay sa peligro ang mga lumulupyo sa Lugar.
