General Santos City–Walay kasudlan sa iyang kalipay si Rafael Tumulac, ninong ni Richard “Rey “ Gofel, Fish Vendor nga taga Minanga, Buayan kansa naalaang si Fahad Utoh, usa sa mga akusado sa Maguindanao Massacre human nga hingpit na gyud nga na-acquit ang kaso ang nasampit.
Sumala ni Tumulac nga ming gawas ra gyud ang kamatuoran nga walay sala ug walay nahimong krimen ang iyang inanak kansa igo lang napasanginlang usa sa mga suspetsado sa ngilngig nga krimen.
Bisan paman sa taas nga panahon nga giantos sa nasampit sa prisohan ila lang gibaliwala ang mahinungdanon kaniya nga nahimo nang gawasnon si Gofel.
Gibutyag usab ni Rafael Tumulac nga dili tiaw ang nasinatian ni Gofel sa prisohan diin panglabada ang nahimo niining panginabuhian aron lang nga makalahutay. Karon nga nahimo na kining acquitted sa kaso, mobalik na gyud sa normal ang kinabuhi sa iyang inanak nga si Gofel.
Nasayran nga usa si Tumulac sa mga nanghingusog nga walay kalambigitan si Gofel sa Maguindanao Massacre sanglit usa ra kini ka yanong tawo nga taga Minanga Buayan.
