Mahimo nga madugayan pa ang pagpasar sang layi nga nagatuyo nga himuon legal ang medical marijuana.
Ini suno sa nagaduso sini nga si Isabela Representative Rodolfo Albano III.
Suno kay Albano, natalana ini nga mag-agi sa committee on rules sa idalom ni House Majority Leader Rodolfo FariƱas antes mag-agi sa plenary sang Kamara kag mapasar sa Senado.
Apisar sini, may mga senador na nga nagpahayag sang ila suporta sa ginaduso nga layi lakip na si Presidente Rodrigo Duterte.
Ginklaro man ni Albano nga ang mga pasyente lang nga may cancer, epilepsy, seizures kag iban pa nga balatian ang mahimo makagamit sang marijuana kag nagakadapat nga may nagaka-igo nga reseta halin sa lisensyado nga doktor.
Suno pa kay Albano, indi basta-basta nga mabakal ang medical marijuana sa mga botika bangud mabakal lang ini sa pagatukuron nga medical cannabis compassionate centers (MCCC).
(photo from web)
