Pormal nang nagpagawas sa public Advisory ang Pag-asa niadtong Pebrero 20 nga nagpahibalo sa lain laing government Agencies nga mi-epekto na ang “weak El Niño Phenomenon” dinhi sa Pilipinas.
Matud ni Daizy Flores, ang Weather Specialist 1 sa Pag-asa Mindanao Station sa Mulogan, El Salvador City sa Misamis Oriental nga sigon sa ilang Public Advisory nagbutyag nga ang epekto sa Weak El Niño gikan sa Pebrero 20, Marso, Abril, Mayo ug Hunyo 2019.
Gibutyag ni Flores nga sulod sa maong mga bulan, masinate sa Pilipinas ang ka-init sa panahon ug pag-reduce sa ihap sa ulan.
Tungod niini, gilauman sa Pag-asa nga masinati sa Mindanao ang dry spell condition ug drought sulod sa kapin upat ka bulan ning tuig 2019.
“Kon na-a may ulan nga mahitabo sulod sa mga panahon nga na-a ang Weak El Niño, kana nga ulan below normal ra gyud ang nahitabo nia-a.” matud ni Flores.
Matud ni Flores nga nag-issue ug public Advisory ang Pag-asa kay na-satisfy sa weak El Niño ang upat ka mga criteria niini.
Lakip sa upat ka mga criteria sa Weak El Niño kining nga mosunod:
- Surface Temperature Level,
- Easterly trade Wind Weaker,
- South Oscillation Index trace hold, ug
- Negative Long wind radiation.
Gibutyag ni Flores nga tungod sa epekto sa Weak El Niño, nakig-coordinate na karon ang Pag-asa sa mga Local Government Units, Department of Agriculture ug uban pang mga government Agency aron “ma-mitigate” ang epekto sa Weak El Niño.
Giaghat usab ni Flores ang mga mag-uuman nga dili magtanom sa mga tanom nga dili mosukol sa init, samtang epektibo pa ang weak El Niño.
