Bilang pagtinguha nga mapabalik ang mga tourism activities sa ciudad kag probinsya, magapatigayon sang tatlo ka adlaw nga pagbisita si Department of Tourism (DOT) Secretary Bernadette Romulo-Puyat sa Bacolod City kag pila ka bahin sang Negros Occidental.
Ini ang magasugod, January 19 tubtub sa January 21 sa diin magapatigayon sang isa ka Tourism Stakeholders Meeting si Puyag agud talakayon ang rehabilitation kag recovery efforts agud liwat makapatigayon sang tourism activities.
Angut sini, natalana nga iga-presentar ni Mayor Bing Leonardia kay Puyat ang estado sang tourism industry sang Bacolod City subong man ang tourism recovery plan sang ciudad agud mahagan-hagan ang epekto sang pandemya sa COVID-19.
Samtang, ginapaabot nga magahimo man sang iya kaangay nga presentasyon si Gov. Eugenio Bong Lacson para sa probinsya sang Negros Occidental.
Sa pihak nga bahin, kalakip sang 3-day visit sang tourism secretary amo ang pagpatigayon sang ceremonial turn-over sang financial assistance sang DOT-DOLE para sa mga trabahante sang tourism industry nga nadulaan sang trabaho bangud sang pandemya.
[image: image.png]
