Gisugdan na sa Philippine Coast Guard ang pag-imbistigar sa pagka missing ni Seaman Chief Mate Dominador Fuentes, 33 anyos nga taga Barangay Bugo ning syudad sa Cagayan de Oro.
Matud ni Misamis Oriental Coast Guard District Commander Ferdinand Montermoso nga mga alas 10 ang takna kagahapon sa buntag, ilang gisaka ang Barkong Grande Progreso kay lang gi-imbistigar nganong na-missing si Fuentes mga alas 4 sa hapon niadtong Enero 15 samtang ang barkong iyang gisakyan nga gikan sa Brazil, naglutaw-lutaw sa lawod sa Laguindingan, Misamis Oriental kay naghulat nga modunggo sa Pantalan sa Philippine Center Corporation sa lungsod sa Villanueva.
Matud ni Montermoso nga lakip sa dala sa iyang mga imbistigador, ang K-9 Dog kay ilang gi-search ang sulod sa maong barko sa pamasin nga ilang makita ang lawas ni Fuentes patay man o buhi.
