Sa interview sa RMN Malaybalay ngadto kang PMaj. Joan Navarro, PNP-10 Spokesperson, gibutyag niya nga sa karon, gihinay-hinayan na matud pa sa kapulisan ang pag-institutionalized sa maong programa kung asa national police clearance na ang ipang-issue sa mga maglukat niini imbes nga makuha lang sa mga local police station.
Dako sumala pa og tabang ang maong pamaagi ilabi na sa pagsolbad sa mga kaso sa kriminalidad tungod kay nationalized man ang data nga scope niini ug dali matrace ang maglukat nga posibleng mga gipangita sa balaod.
Alang sa mga magkuha sa National Police Clearance, gikinahanglan lang matud pa nga muadto sa website sa National Police Clearance System kung asa ipagabutang ang mga basic information ug ang bayad nga P150 pinaagi sa Landbank ug uban pang mga bayad centers.
Human ang pagbayad, pupwede nang muadto sa local police station kung asa ipakita lang ang valid ID o di ba kaha birth certificate ayha kuhaan sa biometrics ug uban pang mga impormasyon.
Mas dali matud pa ug convenient ang pamaagi sa National Police Clearance maong gihinay-hinayan na kini og implementar sa PNP.
