Sa interview sa RMN Malaybalay ngadto kang Nova Belle Calotes, Science Research Specialist II sa Technical Services Division sa DOST-Regional Field Office X, gibutyag niya nga ang buhatan adunay duha ka mga banner kon flagship programs nga mao ang SETUP ug CEST.
Ang SETUP kon Small Enterprise Technology Upgrading Program alang matud pa sa mga negosyante sa mga MSMEs diin maka-avail sa mga consultancy services gikan sa buhatan.
Giklaro ni Calotes nga ang maong programa nagatutok sa pag-upgrade sa mga ekipo nga gikinahanglan sa mga negosyante sa ilang mga negosyo aron nga mas malambo pa kini ilabi na kapin sa tuig na nga nagaoperar.
Sa pikas nga bahin, ang CEST Program kon Community Empowerment thru Science and Technology Program alang matud pa sa mga kooperatiba o grupo nga bag-ohay palang nagsugod.
Kini sumala pa grant nga itanyag sa DOST alang sa ilang mga priority sectors ilabi na sa education, livelihood, health and sanitation, ug uban pa.
Dinhi matabangan ang mga nagkadaiyang kooperatiba sa pagpalambo pa sa ilang mga pamaagi ilabi na kabahin sa siyensiya ug teknolohiya nga libreng itanyag sa DOST.
