BACOLOD CITY – Expected na ni anay Bacolod City Mayor Monico Puentevella ang desisyon ni Councilor Ricardo “Cano” Tan nga indi magpadalagan mayor sa 2019 midterm elections.
Ini ang reaksyon ni Monico sa interview sang dyHb angut sa announcement ni Coun. Tan kahapon nga indi siya magpa-pili bilang Mayor sang Bacolod sa palaabuton nga eleksyon.
Suno sa anay alkalde nga wala naman sang dapat kabalak-an bangud may yara sila sang kandidatu sa pagka-mayor.
Pahayag ni Monico nga sa karon ginaplanuhan na nila ang pagpatigayon sang formal announcement sa bahin sang mangin line-up sang MKK bangud nga malayo pa man ang filing sang Certificate of Candidacy.
Kahapon ginsiling ni Tan nga magabalik na siya bilang private citizen kag pagatutukan na lamang ang iya pamilya kag ang ila negosyo.
Bisan si anay Vice-Mayor Thaddy Sayson ang wala man nakibot sa amu nga announcement ni Tan bangod sa mga disgusto sini sa palakat sang organisasyon.
Para may Sayson, wala man sang problema ang pag-isol ni Tan apang nakanugunan lang sya sa duha ka tuig nga pangabudlay sini sa kabarangayan para maplastar ang ila supporters. /dyHB BACOLOD
