Mipahisubo si Konsehal Zaldy Ocon ngadto sa pamilyang Emano tungod sa kamatayon ni kanhi mayor Vicente “Dongkoy” Emano.
Giangkon sa konsehal nga nahimo niining init nga hisgutanan ang pag-isyu sa kahanginan kabahin sa mga hiwi nga binuhatan ni kanhi mayor Dongkoy apan kining tanan parte lamang sa iyang trabaho ug walay personalan.
Gilakbitan niini nga niadtong eleksyon sa 2001, wala sila nagkauban sa pangatungdanan tungod kay kompleto na ang slot.
Nagsugod lang matud pa ang ilang panagbulag sa maayong kabubut-on sa politika tungod sa usa ka isyu apan wala kini sagol nga pagdumot.
Facebook Comments
