General Santos City—Kayang kaya nga lup-ugon sa tropa sa gobyerno ang mga rebeldeng New People’s Army kon NPA kung tinud-on lamang sa kapulisan og military ang paggukod sa mga rebeldeng NPA.
Apan nagpugong lamang ang kapulisan og military nga parihason ang operasyon sa gyera sa Marawi kontra sa mga Maute Terror Group tungod sa daghan matud pang madamay nga mga sibilyan human misagol na ang mga NPA ngadto sa mga sibilyan o Masa.
Kini ang nahimong gipamahayag ni Police Regional Headquarters 12 spokesperson Police Inspector Aldrin Gonzales.
Kahibaluan nga mipakita na usab karon og kabangis ang NPA pinaagi sa pagdagit sa pipila ka mga pulis sa Surigao, Agusan, ingon man ang pagdagit kaniadto sa duha ka mga pulis og sundalo sa Kalamansig Sultan Kudarat sa mga NPA og ang wala pagtamod sa mga rebeldeng NPA sa nahimong pronouncement ni Pangulong Duterte nga ceasefire una samtang ginahan-ay pa ang sobling pagbuhi sa peace talk tali sa mga rebeldeng NPA og gobyerno sa Pilipinas.
Dugang pa ni Police Inspector Aldrin Gonzales tigpamaba sa PRO 12 nga sa kasamtangan padayon pang ginavalidate karon nila ang nakuhang intelligence report sa Joint Taskforce Gensan nga posibling naglihok na usab ang mga sparrow unit sa NPA o ang ginatawag nilang liquidation squad sa mga rebeldeng NPA dinhi sa Region 12. (Emir Bariquit)
