Pag-uktaba sa eleksyon sa barangay, angayng tun-an – Kapitan Tabac

Angayng tun-an pag-ayo sa mga kongresista ug Senador nga ang himoong pag-uktaba sa Eleksyon sa Barangay katapusan na unta kini.

Kini ang reaksyon ni Barangay Gusa Kapitan Marlo Tabac sa sugyot ni Presidente Rodrigo Duterte nga sa tuig 2022 pa himoon ang eleksyon sa Barangay.

Matud ni Kapitan Tabac nga kinahanglan ipalapad ang demokrasya sa pagpili sa mga lider sa kabarangayan kay sa pag-oktaba nahikawan ang katawhan sa ilang katungod nga makapili sa bag-ong mga lider.

Gidugang ni Kapitan Tabac nga kung himoong lima ka tuig angay na kining himoong regular nga lima ka tuig ug dili kay i-oktaba lamang.