Giangkon mismo ni Barangay Camaman-an Kapitan Pedro Arda nga walay permit sa City Local Environment and Natural Resources Office kon Clenro ang quarry nga gihimo ni kanhi polis Jose Ligtas sa Bolonsiri ning syudad.
Matud ni Kapitan Arda, nga karon pa siya kabalo nga wala diay permit ug wala usab siya kabalo kung kanus-a nagsugod sa pag-quarry si Ligtas.
Dugang pa ni Kapitan Arda, nga iya lamang nahibaw-an ang operasyon ni Ligtas, human nga mi-report kaniya ang mga residente ug mianha kaniya ang taga Clenro aron nga ipaundang ang nasangpit nga operasyon.
Nasayran nga nagsabot si Kapitan Arda ug si Ligtas nga buldoson ug himoong Material Recovery Facility kon M-R-F, ang nasangpit nga area.
Sa laing bahin, ikapila na matud pa nga higayon nga mibalik sa opisina sa CLENRO si Barangay Camaman-an Kapitan Pedro Arda.
Matud ni CLENRO kanhi Officer Edwin Dael nga iya na usab nga naignan si Kapitan Arda nga dili gyud pwede nga boldoson ang area, tungod kay adunay dalan sa unahan kung ugaling buot nila nga himoong Recovery Facility kon M-R-F ang kilid sa Bolonsiri.
Dugang pa ni Dael nga human niya masultihi si Kapitan Arda,m wala na usab kini mibalik sa opisina.
-o0o-
RadyoMaN Mishelle Enloran
