General Santos City–Gipatawag sa pipila ka mga kagawad sa dakbayan nga silang kagawad Beth Bagonoc; Rosalita Nunez; Odjok Acharon ingon man ang chairman sa Committee on transportation nga si Ramon Melliza ang mga labaw sa buhatan sa Traffic Management Unit, LTO, HPG ug ang chairman sa Modelong Trisikel Driver atol sa gipahigayong Joint Consultative Hearing sa Sanguniang panlungsod niadtong milabayng semana aron hisgutan kung unsa na kadaghan ang natala nga disgrasya sa kadalanan sa syudad.
Pagbutyag ni Police Supt. Jennifer Molina ang labaw sa TMU nga sumala pa nga niadtong tuig 2016 miabot na sa 2,145 ang nahitabong disgrasya sa kadalanan og mitaas pa ang ihap sa disgrasya sa tuig 2017 nga dunay 2, 317 samtang sa tuig 2018 miabot sa 2, 410 og sa bulan sa Enero ning kasamtangang tuig miabot sa 179 ang nadisgrasya sa kadalanan kung asa 16 ang nangamatay.
Dugang asoy ni Molina nga dunay lima ka mga barangay ang sagad nga dunay nahitabong disagrasya sa kadalanan kung asa na una niini ang brgy. Labangal, Lagao, Sinawal, Apopong, og San Isidro.
Samtang naalarma usab ang labaw sa CDRRMC nga si Bong Dacera sa kadaghan sa ihap sa disgrasya sa dalan kung asa sila ang usa sa nagaresponde sa insidente. Nanawagan na lamang si Dacera sa mga drivers nga kanunay gayud mag amping sa pagmaneho sa ilang sakyanan og dili magdrive og hubog aron malikayann ang disgrasya.
