Gikalipay sa Bureau of Jail Management and Penology o BJMP ang pag-ubos sa ihap sa mga piniriso sa Lumbia City Jail.
Gibutyag ni Male Dormitory Media Affairs & Community Relations Service Officer JO3 Orly Vicente Montalban nga anaa na lamang karon sa 2,500 ka detainees ang naa sa prisohan gikan sa 2,900 sa miaging mga bulan.
Miubos usab ang ihap sa mga piniriso tungod sa plea bargaining program nga gitanyag sa korte sa mga piniriso.
Nasayran nga kasagaran sa piniriso sa Lumbia City Jail ang adunay mga kaso sa pagbaligya ug paggamit sa illegal nga droga.
Nagpasalamat usab ang BJMP sa 19.2 million pesos nga budget nga gihatag sa lokal nga kagamhanan alang sa dugang katukoran sa mga prisohan.
Facebook Comments
