Davao City – Gi-endorso sa kapolisan sa Toril ang mag-uyoan tungod sa grabeng away niini.
Sa report sa Toril PNP, nakaangkon og samad dinunggaban ang usa ka Marvin Albran Rubio, 39 anyos, usa ka driver ug nagpuyo sa may Babisa Lizada Toril ning siyudad sa dihang gidunggab kuno siya og binuak nga botelya sa iyang pag-umangkon nga si Ritchie Jumalon Ravelo, 24 anyos.
Dugang sa report nga bandang alas 5:30 sa hapon niadtong miaging adlaw, gimaneho sa iyang pag-umangkon ang motorsiklo nga gipanag-iyahan ni Mr. Rubio ug sa wala damha nahaybol ang motor nga gimaneho ni Ravelo nga matud pa nakainom og bino.
Gibadlong kini sa iyang uyuan nga dili na mag-drive aron malikay sa disgrasya apan nasuko kini og namuak og botelya sa beer dayon dunggab sa iyang uyuan ug naigo sa walang bahin sa tiyan niini.
Apan mibalos ang uyuan ug mipunit og tubo dayon gibunalan ang pag-umangkon igo sa ulo hinungdan sa pagkapaksit sa agtang niini.
Daling gitambalan ang duha samtang ang away niini gipasang-at una sa Brgy. Level.
RadyoMaN Paul Canono
