BACOLOD CITY – Nadakpan man sa ginpatigayon nga buy bust operation ang isa ka soltero kagab-i sa Bgy. 28, Bacolod City.
Ginkilala ang suspek nga si Bryan Blasi, 23 anyos ang edad, single kag pumuluyo sang Purok Starapple II, Brgy. 27, Bacolod City.
Suno sa report sang Police Station 1 may mga las 10:30 kagab-i sa Corner Gonzaga-Lopez Jaena Streets, Brgy. 28 ginpatigayon ang buybust operation batuk kay Blasi kon diin nakuha sa iya possession ang 3 ka dalagku nga heat-sealed sachet sang suspected shabu.
Ginpahayag sang mga arresting officers sang PS1 nga nagbuko pa ang suspek nga magpalagyo kon diin ginsumbag niya ang police nga nagserve poseur/buyer apang wala niya ini naigo.
Nagdalagan pagwa ang suspek apang ini siya ang madasig man nga nadakpan. Sa karon detained na sa custodial facility sang Police Station 1 ang suspek nga si Blasi./dyHB BACOLOD
