Malaybalay City, Bukidnon – Laumang mahimong bagyo unsa mang orasa gikan karon ang usa ka Low Pressure Area LPA nga anaa sa sulod sa Philippine Area of Responsibility kon PAR.
Sa interview sa RMN ngadto kang Cesar Gabalez, ang chief sa PAGASA-Malaybalay gibutyag niini nga gibantayan nila karon ang LPA nga naghulga sa Mindanao ug sa Visayas.
Matud ni Gabalez nga lauman nga sulod sa 24 oras mahimo kining usa ka hingpit nga bagyo nga tawgong Agaton nga mao unya ang pinaka-unang bagyo sa tuig 2018.
Alayon niini, nagpahimangno si Gabalez sa publiko nga pangandaman ug magmaigmat sa posibleng epekto sa mao nga weather disturbance.
Lauman kini nga magdala ug halapad nga pag-ulan nga mamahimong magresulta sa pagbaha ug pagdahili sa yuta.
Facebook Comments
