Malaybalay City, Bukidnon – Napugngan ang pag-ulbo sa kalayo sa Sun Art Bakeshop nga nahimutang sa Purok 5, Brgy. Miglamin siyudad sa Malaybalay human napalong ang kalayo sa mga residente ug sa nanag-iya niini.
Sa interview sa RMN Malaybalay ngadto kang FO1 Paul Ronulo, sa Bureau of Fire Protection kon BFP-Malaybalay gibutyag niini nga alas 5:10 kaganehang buntag nakadawat sila ug tawag kalabot sa nahitabo nga sunog sa mao nga dapit hinungdan nga daling niresponde ang ilang mga bombero.
Matud ni Ronulo nga natabang ug palong sa mga concern citizen ang kalayo hinungdan nga wala nidako ang kalayo ug wala nay nahitabong fire-fighting operation ang ilang nahimo.
Hinoon gibutyag ni Ronulo nga ila usab nga himoon ang imbestigasyon aron masayran ang hinungdan sa mao nga sunog.
Nasayran nga mao kini ang unang kaso sa sunog atol sa pagsugat sa bag-ong tuig 2018.
