Gideklarang “persona non grata” sa local nga kagamhanan sa lungsod sa Buenavista, Agusan del Norte ang rebelding New Peoples’ Army (NPA).
Sigun ni Mayor Norbert Pagaspas, nga ang deklarasyon sa Communist Party of the Philippines – New Peoples’ Army (NPA) maoy usa sa labing maayong lakang sa lungsod aron pagkontra sa teroristang binuhatan sa rebelding grupo.
Pinaagi niini gilauman usab nga maangkon sa lungsod sa Buenavista ang dugang kalamboan taliwala sa kahusay ug kalinaw sa komunidad.
Sa iyang kabahin gibutyag usab ni LTC Francisco Molina, Jr, commanding officer sa 23rd IB Phil. Army nga ang kagubot ug pangilkil sa rebelding grupo maoy naghatag ug kasamok sa malinawon nga komunidad. Ang deklarasyon nga Persona Non Grata batok sa NPA dili lamang responsibilidad sa kasundaluhan kondili kaakuhan kini sa tanan.
Gidasig usab sa opisyal ang komunidad nga makig-alayon sa goberno aron hingpit maangkon ang kalinaw sa ilang lugar.
Dugang sa opisyal nga sukad niadtong Enero hangtud Hulyo 29, 2019 niabot na sa 27 ka mga kanhi rebelding NPA ang ilang giatiman human misurender.
[image: norbert.jpg]
