Hindi pa rin malinaw na indikasyon ng downward trend ang pagbaba ng kaso ng COVID-19 sa National Capital Region (NCR) ayon kay National Task Force (NFT) Against COVID-19 special adviser Dr. Ted Herbosa.
Kasunod ito ng pahayag ni OCTA Research fellow Dr. Guido David na bumaba na sa negative 10 percent ang weekly COVID-19 growth rate ng rehiyon kung saan indikasyon ito ng downward trajectory.
Ayon kay Herbosa, dapat patuloy pa ring mag-ingat kahit nagkaroon ng mabilis na pagbaba ng kaso ng COVID-19 sa nakalipas na dalawang araw.
Kahapon, nakapagtala ang Department of Health (DOH) ng 22, 958 na bagong kaso ng COVID-19; mas mababa sa naitalang 28, 471 new COVID-19 cases noong Martes, Enero 18.
Facebook Comments
