General Santos City–Gipaklaro ni Atty. Arnel Zapatos, City Administrator sa dakbayan sa Gensan nga ang hangyo nga ibalik sa Enhance Community Quarantine ECQ ang Gensan, daghan matud pa ang angayang i-konsidera.
Lakip niini ang guidelines gikan sa nasyunal kung kanus-a lang pwede magdeklara ug ECQ. Nasayran nga subay sa maong guidelines, hangtud lang sa General Community Quarantine kon GCQ ang syudad Gensan sa kasamtangan.
Samtang lakip sa ilahang ginakonsidera mao ang epekto niini sa ekonomiya sa Gensan rason nga ilahang ginapaningkamutan nga dili mabalik sa ECQ. Dugang pamahayag ni Zapatos sa karon ubay-ubay nga mga intervention na ang ginahimo sa LGU sama sa Brgy. Clustering ug nag-abli ug ubay-ubay nga mga Barangay Isolation Unit.
Pagpaklaro niini nga sa karon mas nakatutok ang LGU sa Non Pharmaceutical Intervention tungod walay vaccine sa covid-19. Gani subay sa naunang pamahayag ni Dr. Lobert Padua, Infectious Disease Expert sa Rehiyon nga ang pag-hatag ug licensed to operate sa Molecular Laboratory sa Dr. Jorge P Royeca Hospital, adunay mga kabag-uhan nga ipatuman nga mga protocol subay na sa naaprubahan sa mga Doktor.(LVR)
