Davao City – Daghang Davaoeños ang nahadlok ug na-alarma sa padayong pagtaas sa kaso sa Coronavirus Disease 2019 (COVID-19) sa syudad rason nga padayon ang panawagan sa nahisgutan nga ipabalik, ang paggamit sa Food and Medicine (FM) Pass aron ma-kontrola ang paggawas sa tawo.
Pipila lamang ang mga netizens nga sila Al, Emel, ug si Retzel Macaraig nga misugyot nga mas maayo kung ibalik ang FM Pass aron malikayan ang pagdagsa sa mga tawo ug magpahigayon og mga dili importanting aktibidad.
Una nang gipasabot ni Davao City Mayor Sara Duterte-Carpio nga ang FM Pass ginagamit panahon sa Enhanced Community Quarantine (ECQ) diin limitado lamang sa duha ka tao, ang makagawas ug dili kini solusyon sa pagkakaron diin daghan na ang kinahanglang mogawas nga nagtrabaho sa usa ka pamilya.
Kinahanglan lamang sumala pa nga ma-regulate, ang mga aktibidad sa tawo rason nga gipagawas ang Executive Order 57 Series of 2020 nga nag-regulate sa mass gathering ug pagdili sa mga non-essential travel sulod sa Davao City hangtud December 31, 2020.
RadyoMaN Kirby Manzon
