General Santos City–Gikumpirma ni Gensan City Mayor Ronnel Rivera nga ilang gikonsidera ang pagbalik sa pagpatuman ug lockdown matag adlawng Domingo kini subay sa nasabutan sa Local Inter-Agency Task Force On Covid-19.
Apan kini matud pa ipatuman lang kung adunay local transmission nga matala sa dakbayan sa Gensan.
Sumala sa Mayor nga aduna matud pay uban nga gustong ibalik ang lockdown hilabina nga adunay mga nagpositibo gikan sa mga Locally Stranded Individual kon LSI.
Sa karon matud pa ilang ginatahagan ug pagtagad ang contact tracing.
Samtang gipa-ilalom na sa training ang mga medical staff sa Dr. Jorge P. Royeca Hospital human nga mi-abot na sa Gensan ang Containerized Bio-Safety Laboratory sa dakbayan.
Tumong niini aron nga ipa-ilawom sa saktong training ang tanang mga medical staff nga maoy ma-assign sa biolab gumikan delikado kung dili sakto ang paghupot sa mga specimen nga gikan sa mga tawong gipailawom sa test.(LVR)
