Gihingusgan sa mga kadagkuan sa Roads and Traffic Administration kon R-T-A nga makabaton sa mas dako nga impounding area alang sa mga sakyanan nga ma-impound tungod sa paglapas sa balaod trapiko ning syudad.
Gibutyag ni R-T-A Overseer Ret. Col. Mario Verner Monsanto nga iyang naobserbahan nga dili epektibo ang pag-clamp sa mga sakyanan nga nakalapas sa balaod trapiko.
Kini kay mahimo ra nila makuha ang sakyanan kung bayaran nila ang pagtangtang sa clamp bisan kung dili pa nila bayaran ang ilang violation nga maoy rason nga na-clamp ang ilang sakyanan.
Gipasabot ni Monsanto nga mas maayo ang towing kay dili nila makuha gikan sa impounding area ang sakyanan kung dili nila bayaran ang ilang violation ug magbayad pa gyud sila sa storage fee.
Alayon niini, giaghat ni Col. Monsanto si R-T-A assistant department head Engr. Nonito Oclarit nga mangita og luna alang sa impounding area.
Kini aron dili madaot ang ma-impound nga mga sakyanan samtang dili pa makuha sa mga tag-iya.
Nasayran nga gamay ra ang impounding area sa R-T-A gani napuno na usab kini sa mga na-impound nga mga sakyanan nga wala na gikuha sa mga tag-iya hangtod karong panahona.
