Jamindan, Capiz – Ginkumpirmar ni Jamindan Mayor Mac Valdemar nga ginpauntat anay temporaryo ang pagbaton sang mga magapauli nga locally stranded individuals(LSI) kag Returning Overseas Filipinos(ROF).
Suno sa alkalde, puno sa subong nga tinion ang pasilidad para sa mga nagpauli nga mga LSI kag ROF sa ila banwa kabangdanan nga indi sila sarang nga makabaton sang dugang pa gid nga mga stranded nga indibidwal.
Ginkanselar naman ang pag-issue sang letter of acceptance.
Samtang nakit-an sini nga ang tuman ka “delayed” nga pag-abot sang resulta sang RT-PCR test ang kabangdanan gani nga indi sa gilayon makapauli ang mga gina- quarantine nga mga persona sa banwa sang Jamindan.
Nahibaluan nga sa subong may yara na sang anum tanan ka positive cases sang COVID- 19 ang banwa sang Jamindan.
Sa nasambitan nga numero, isa ang narekober samtang lima ang mga active cases ukon padayon nga ginabulong.
