Pagbawal sa plastic cellophane, ipatuman na usab sa Valencia

29

Target sa dakbayan sa Valencia karong tuiga nga hingpit nang ipatuman ang pagbawal sa paggamit sa mga plastic cellophane sa siyudad.

Sa interview sa RMN Malaybalay ngadto kang Valencia City Councilor Rodrigo Rosal, gibutyag niini nga dugay na nga adunay ordinansa ang siyudad kalabot sa pagbawal na sa mga plastic cellphone sa dakbayan.

Aminado usab siya nga kinahanglan na nga ipatuman ang pagbawal sa plastic cellphone alang sa kaayuhan sa kinaiyahan.

Matud ni Rosal nga daghan na ang basura sa mao nga dapit ug nadugangan pa human sa pagbukas sa usa ka dakong mall nga mukabat sa 2 ka dump truck sa basura ang ilang mahakot kada adlaw.

Gipahayag ni Rosal nga ilawom sa mao nga ordinansa, bawal na ang mga cellophane ug kinahanglang gamiton nag bolseta ug kaha basket kung mamerkado.

Gidugang ninii nga ilang gihatagan ug 3 ka bulan ang mga nanag-iya ug business establishment aron mahurot ang ilang mga napalit nga mga cellophane.

Nahisgutan na matud pa nila ang pagpatuman ninii sa nakalabay nga semana human ilang nadunggan nga hugot na usab kining ipatuman didto sa siyudad sa Cagayan de Oro.

Facebook Comments