General Santos City—subling napostpone ang paghatag ug sentensya sa Pinay Overseas Filipino Worker nga anaa sa death row didto sa United Arab Emirates (UAE).
Nasayran nga wala mahinayon ang pagbitay kang Jennifer Dalquez nga taga Barangay Labangal Gensan niadtong Pebrero 27, 2017 human nga nag desisyon ang Korte nga hulaton nalang ang desisyon sa duha ka mga anak sa amo ni Jennifer nga una na niining napatay human kining gisuwayan ug lugos niadtong tuig 2014.
Sumala ni Rajima Dalquez, inahan ni Jennifer nga subling gitakda ang pagpakanaog ug hukom karong Marso 2, 2017 ug dinhi na masayran kung ihinayon ba o dili ang pagbitay sa iyang anak .
apan kampante ang ginang nga maubsan ang sentensya sa iyang anak ug kini tugutan nga makauli sa Pilipinas tungod sa pagpaningkamot sa Department of Foreign Affairs nga matabangan si Jennifer.
kung kahinumduman nga una nang gihingusgan ni Jennifer nga gidepensahan lang niini ang iyang kaugalingon human siyang gisuwayan ug lugos ug planong patyon sa iyang amo niadtong tuig 2014. Tuig 2015 dihang kini gihukman ug silot kamatayon.
Sa karon nag ampo nalang ang pamilya sa nasampit nga OFW nga unta mapaubsan ang silot ug kini matugutan nga makauli sa Pilipinas aron ila kining makauban. Nasayran nga adunay duha ka mga anak si Dalquez nga anaa karon nag puyo sa iyang inahan dinhi sa Gensan.
UAE court was again postponed the sentence of a Filipino Overseas Filipino Worker on death row in the United Arab Emirates Jennifer Dalquez of Barangay Labangal Gensan who killed his boss. Last February 27 was the first set, but did not materialize due to a court decision to await the decision of the victims two children. March 27 will yet again the decision whether or not to pursue the death sentence with Dalquez
