South Cotabato—Ginasuta na karon sa Tupi Municipal Police Station kung si kinsa ang nagpabuto ug MK 2 hand grenade sa may Purok 8-A, Barangay Polunuling Tupi, South Cotabato, alas-11:30 ang takna sa gabie niadtong Hwebes sa nakalabayng simana.
Sa pakighinabi sa Rmn Gensan News Team kay Police Senior Inspector Bernie Faldas, officer in charge sa Tupi Municipal Police Station nasuta nga hangtod karon wala pa silay lead kung si kinsa ang nagpabuto ug eksplosibo sa maong lugar. Nasayran nga sa karon padayon ang ginahimong imbistigasyon sa kapulisan aron nga masayran ang motibo niini.
Dugang pagbutyag ni PSI Faldas nga ang pagbusikad natigayon 20 metros ang gilay-on gikan sa mga kabalayan sa maong lugar. Nahitabo kini sa bakanteng luna daplin sa farm road sa maong barangay.
Samtang giklaro ni PSI Faldas nga wala silay bahad sa seguridad ayha nahitabo ang pagbuto sa maong Granada.
