*General Santos City—- Gikumpirma ni isulan Mayor Marites Pallasigue nga usa ka bomba ang mibusikad sa usa ka restaurant sa Kalawag 2, Isulan, Sultan Kudarat alas 3 pasado ang takna sa hapon.*
*Sumala niya nga padayon pang ginasuta kung unsa nga matang sa bomba ang mibuto kung asa unom ang inisyal nga samdan nga daling gipangdala sa balay tambalanan.*
*Pamahayag niini nga padayon pa ang ginahimong imbestigasyon sa kapulisan ug militar ug dili pa nila mabutyag kung unsa nga matang sa bomba ang gigamit.*
*Dugang pamahayag ni Mayor Pallasigue dili pa niya masulti kung adunay kakulangon sa kabahin sa pagbantay sa kapuilisan ug militar sa lugar kung asa nahitabo ang pagbusikad.*
*Sumala niya nga luyo pa man sa ilahang ginahimo nga mga lakang aron maangkon ang kalinaw sa maong lungsod, adunay pipila nga nagaplano nga mahimo ug dautan.*
*Pag-angkon niya nga ang maong kan-anan ang nahimutan atubangan mismo sa lugar kung asa nahitabo ang unang pagpamomba milabay’ng bulan sa agosto nga adunay naitalang patay.*
*Samtang sa kabahin sa militar, gibutyag ni Major Arvin Incenas, tigpamaba sa 6th Infantry Division nga nagdeklara na ug insiyal nga lock down sa tanang entrance ug exit point sa isulan.*
*Sumala niya nga nagpahigayon na ug joint investigation ang kapulisan ug militar aron masayran kung unsa nga bomba ang gigamit ug kung si kinsa ang nagpaluyo.*
