Davao City – Gibutyag sa Davao City Overland Transport Terminal (DCOTT) nga ila nang susihon ang tulo ka mga areas nga planong butangan og bus stops aron pwede nang magpasakay og pasahero gawas sa DCOTT.
Sa interbyu sa DXDC RMN Davao kang Aiza Usop, DCOTT manager, gibutyag niini nga subling gituki ang security measures ilabina karon nga humana ang dagkong aktibidad sa syudad sama sa oathtaking ni Vice President Sara Duterte-Carpio ug Davao City Mayor Sebastian Duterte.
Subay sa nasabutan, planong magbutang og tulo ka mga bus stops sa Toril, Calinan (southbound area) ug Buhangin (northbound area).
“Mura’g ang i-go gyud yata is kadtong tulo ka proposals. Magbutang lang ta’g logistics and mga men in uniform didto nga mga area,” sulti ni Usop.
Sa pagkakaron, padayong giplastar ang tanang gikinahanglan, pag-endorso niini sa hingtungdang opisina ug pagpa-apruba sa City Mayor’s Office.
RadyoMaN Kirby Manzon
Facebook Comments
