ONLINE SABONG, APRUBADO NA SA PAGCOR
Tungod kay nanginahanglan ug pundo ang gobyerno karong pandemya, gimandoan sa Malacañang ang Philippine Amusement and Gaming Corporation (PAGCOR) nga hatagan og lisensya ang pipila ka mga online sabong sites aron mahimong legal na ang ilang operasyon.
Matud ni Atty. Jose Tria Gr., SVP sa Offshore and Online Gaming sa PAGCOR kung aduna lisensya nga ihatag, mas mamonitor sa PAGCOR ang mga operasyon, lihok, ug income sa online sabong.
Lima nga kompanya na ang nag-apply og lisensya apan duha pa ang nahatagan og “license to operate”.
Matud pa bugtong ang Lucky 8 Star Quest Inc. sa Pitmaster Live ug Belvedere Corp. ang gitugutan nga makapagawas ug sabong online.
Sigun ni Atty. Tria, makakolekta ang PAGCOR ug P100 million matag buwan sa kada licensed online sabong company.
