Pagdala sang backpack hugot nga ibawal kadungan sang selebrasyon sang T`nalak Festival.

Bawalan sang South Cotabato Police Provincial Office kag iban nga law enforcement unit ang pagdala sang backpack sa venue sang event kaangot sa selebrasyon sang 52nd Foundation Anniversary sagn South Cotabato kag 19th T’nalak Festival sa masunod nga semana.
Ini ang ginkumpirmar ni Police Senior Supt. Nestor Salcedo, Provincial Director sang South Cotabato PNP.
Dugang pa, likawan na lang ang pagdala sang backpack kon magtan-aw bangud indi suno pa nila ini pahanugutan kabahin sang ginapatuman nila nga seguridad.
Apila naman niya sa mga pumuluyo nga likawan man ang pagdala sang mga butang nga marahalon kon indi naman kinahanglan kasubong sang alahas kag dako nga kantidad sang kwarta agud nga indi mabiktima sang mga kawatan.