Davao City- Nanawagan ang Katipunan sa Pagbabago ng Sambayanang Pilipino kang Presidente Rodrigo Duterte nga ikunsidara na ang pagdeklara og revolutionary government samtang dili pa ulahi ang tanan.
Nagtoo si Richard “Bong” Ano, secretary general sa Coalition, ang revolutionary government lamang ang bugtong pamaagi aron maluwas ang Pilipinas gikan sa mga kritiko nga buot muguba sa atong nasud.
Nabalaka si Ano nga kung dili tagdon ni PRRD ang ilang panawagan basin mahitabo ang constitutional crisis nga maoy gusto mahitabo sa mga kritiko aron magubot ang nasud.
Alang kaniya, angay na maalarma si PRRD sa mga ginahimo sa iyang mga kalaban aron dili kini mapahaya sa gahom ug makapuli sa malakanyang ang mga kritiko.
Gipuna pa sa Coalition sila si Ombudsman Conchita Morales-Carpio ug Chief Justice Maria Lourdes Sereno sa pagpagamit nila sa mga kritiko aron pahagsaon ang kagamhanan ni PRRD.
Apan gipaniguro ni Ano nga dili sila mulampos sa pag-ilog sa gahom aron dili masusama si PRRD sa nada-ngatan nila Ferdinand Marcos ug Joseph Estrada nga wala lung-i hangtud napalagpot sa katungdanan.
Mga kasama, awhagon ko kamo nga atong i-ampo sa Dios ang gobyerno aron dili mulampos ang mga grupo nga naningkamot sa pagpahagsa sa kagamhanan karon inay kining mga tawhana maglibog sa ilang dautan nga mga plano.
RadyoMan Joel Viray
