*General Santos City—- Gihingusgan ni Gensan City Mayor Ronnel Rivera nga wala pay rason aron nga makadeklara ug lock down ang dakbayan ug wala pa kini gikinahanglan.*
*Sumala niya nga gituyo sa lokal nga panggamhanan, kapulisan ug militar nga dili ipahibalo sa katawhan ang pagpahigayon ug lock down drill aron nga daw sa tinuod ang maong aktibidad ug masayran kung unsa ka paspas ang pagrespondi sa otoridad ug uban pang security forces.*
*Pag-angkon ni Mayor Rivera nga adunay nahitabong miscommunication tali sa mga opisyal sa dakbayan rason nga adunay uban ang nagtuong maglock down na ang GenSan nga nakahatag ug panic ug kahadlok sa katawhan.*
*Kini gumikan, gawas sa mga ahensya nga involve sa maong simulation, si GenSan City Vice Mayor Shirlyn Bañas-Nograles lang ang ilahang gipahibalo kabahin s amaong aktidad.*
*Tumong matud pa niini aron masayran ang mga kinahanglan ug angayang himuon panahon nga kini gikinahanglan nga ideklara.*
*Kahinumduman nga una ng nagpahigayon ug lock down drill ang GenSan subay na usab sa mando gikan sa Police Regional Office 12 human nga adunay mga nagkatag nga mga text message nga sumala pa adunay mga miyembro sa teroristang grupo ang nakasulod na sa syudad.*
