Giklaro ni Misamis Oriental Sangguniang Panlalawigan Board Member Dexter Yasay nga dili pwedeng diktahan ni Vice Gov. Jigjag Pelaez ang mga board members kung kinsa ang gusto nilang imbitahon sa mga committee meeting.
Kini alayon sa memorandum JJMP 2019- 046 diin nakalatid nga kinahanglang unang mananghid sa bise gobernador ang mga empleyado sa SP kung dunay tambongan nga mga committee meeting.
Sa iyang bahin, gibutyag ni Yasay nga walay retroactive effect ang memorandum order 2019-048 nga mao matud pay nasupak sa lima ka mga empleyado human mitambong sa committee hearing niadtong Hulyo 23 ug 26 bisan wala nananghid sa bise gobernador.
Dugang pahayag ni Yasay nga dili unta magpataka og pagawas sa kamandoan si vice gov. Pelaez ilabina kung wala kini masayud sa mga lakang nga angay himoon.
